ریاض: سعودی ولی عہد محمد بن سلمان نے کہا ہے کہ سعودی عرب فلسطینی ریاست کے قیام کے بغیر اسرائیل کے ساتھ تعلقات قائم نہیں کرے گا۔
عربی میڈیا کے مطابق، انہوں نے یہ بیان سعودی شوریٰ کونسل کے سالانہ اجلاس میں شرکت کے دوران دیا، جہاں انہوں نے کونسل کے ارکان سے خطاب کیا۔
اپنے خطاب میں محمد بن سلمان نے فلسطینیوں کے خلاف جاری اسرائیلی بربریت کی سخت مذمت کی اور ان کے مقصد کے لیے حمایت کا اعادہ کیا۔ انہوں نے کہا کہ سعودی عرب فلسطینی ریاست کے قیام کے لیے اپنی کوششیں جاری رکھے گا اور فلسطینی مسئلہ مملکت کی ترجیح ہے۔
ولی عہد نے ان ممالک کا بھی شکریہ ادا کیا جنہوں نے فلسطین کو ایک ریاست کے طور پر تسلیم کیا۔