وائٹ ہاؤس نے حالیہ عالمی کشیدگی اور اہم فوجی فیصلوں کے پس منظر میں سچویشن روم کی تازہ ترین تصاویر جاری کر دی ہیں، جن میں صدر، اعلیٰ عسکری حکام، اور مشیروں کو ہنگامی اجلاس میں شریک دیکھا جا سکتا ہے۔ یہ تصاویر ایسے وقت میں جاری کی گئی ہیں جب امریکہ مشرقِ وسطیٰ میں فوجی آپریشنز، ایران پر حملوں، اور خطے میں بڑھتی ہوئی کشیدگی کے درمیان فیصلہ کن کردار ادا کر رہا ہے۔ جاری کردہ تصاویر میں صدرِ امریکہ کو خفیہ بریفنگ لیتے ہوئے دیکھا جا سکتا ہے۔

جنرلز اور قومی سلامتی کے مشیر سخت غور و فکر میں مصروف ہیں۔ دیوار پر بڑے اسکرین پر مشرقِ وسطیٰ کی لائیو سیٹیلائٹ فوٹیج دکھائی دے رہی ہے، جبکہ کچھ اہلکار ویڈیو لنک کے ذریعے دیگر ممالک سے رابطے میں نظر آ رہے ہیں۔ سوشل میڈیا پر یہ تصاویر وائرل ہو چکی ہیں۔ کچھ لوگوں نے اسے شفافیت کا مظاہرہ قرار دیا ہے، جب کہ ناقدین کا کہنا ہے کہ یہ صرف طاقت دکھانے کی ایک سیاسی کوشش ہے۔