مشرقِ وسطیٰ میں کشیدگی بڑھنے کے باعث آبنائے ہرمز کی بندش کا خطرہ پیدا ہو گیا ہے، جس کے نتیجے میں عالمی منڈیوں میں خام تیل کی قیمتوں میں بڑا اضافہ متوقع ہے۔ اقتصادی ماہرین نے خبردار کیا ہے کہ اگر ایران نے آبنائے ہرمز کو مکمل طور پر بند کیا، تو اس کا سب سے زیادہ اثر ایشیائی منڈیوں پر پڑے گا۔ دنیا کا تقریباً 20 فیصد خام تیل اسی راستے سے گزرتا ہے۔ سعودی عرب، ایران، عراق، کویت، قطر، اور متحدہ عرب امارات کا تیل یہاں سے برآمد ہوتا ہے۔بین الاقوامی مارکیٹس میں پہلے ہی خام تیل کی قیمت میں فی بیرل 7 سے 10 ڈالر اضافے کی پیش گوئی کی جا رہی ہے۔ جاپان، چین، بھارت، اور پاکستان جیسے ممالک کو فیول درآمد میں رکاوٹ کا سامنا ہو سکتا ہے۔