پاکستانی شوبز انڈسٹری کی باصلاحیت اداکارہ رمشا خان کو حال ہی میں اپنی سالگرہ کی تقریب میں بولڈ لباس پہننے پر سوشل میڈیا صارفین کی شدید تنقید کا سامنا کرنا پڑا ہے۔ تصاویر اور ویڈیوز وائرل ہوتے ہی مداحوں اور ناقدین کے درمیان ایک نئی بحث چھڑ گئی ہے۔ رمشا خان نے اپنی سالگرہ کی تقریب میں ایک مغربی طرز کا لباس زیبِ تن کیا، جو بظاہر جدید فیشن کے مطابق تھا، مگر کچھ صارفین نے اسے غیر اخلاقی اور روایات سے ہٹ کر قرار دیا۔ کچھ کمنٹس میں کہا کہ گیا رمشا کو ایسے کپڑوں کی کیا ضرورت تھی؟ وہ تو ہمیشہ باوقار نظر آتی تھیں۔ اداکاروں کو یاد رکھنا چاہیے کہ اُنہیں لاکھوں لوگ فالو کرتے ہیں۔

دوسری طرف، رمشا کو حمایت بھی حاصل ہوئی۔ کچھ مداحوں اور فیشن سے وابستہ شخصیات نے ان کا دفاع کرتے ہوئے مؤقف اختیار کیا کہ لباس ذاتی پسند کا معاملہ ہے، اور دوسروں پر فتوے لگانا مناسب نہیں۔ ان کا کہنا تھا کہ رمشا نے جو لباس پہنا، وہ ان کا ذاتی انتخاب تھا، اور یہ ان کی سالگرہ کی ایک نجی تقریب تھی، جس پر بلاوجہ تنقید نہیں ہونی چاہیے۔

رمشا خان کا ردعمل؟ ابھی تک رمشا خان کی جانب سے کسی قسم کا باقاعدہ بیان سامنے نہیں آیا، مگر اُن کی خاموشی کو بعض لوگ وقار اور نظراندازی سے تعبیر کر رہے ہیں۔  اداکاروں کو ہمیشہ عوام کی نظر میں رہنا پڑتا ہے، مگر سوال یہ ہے کہ ہم کب تک دوسروں کے لباس اور زندگی کے فیصلوں پر سوشل میڈیا عدالت لگاتے رہیں گے؟ رمشا خان نے چاہے جیسا لباس بھی پہنا ہو، تنقید اور بدزبان کمنٹس کی بجائے عزت اور برداشت کا ماحول ہی ہمارے معاشرے کو بہتر بنا سکتا ہے۔