ممبئی: بالی وڈ سپر اسٹار دپیکا پڈوکون نے اپنی بیٹی کی پیدائش کے بعد ممبئی کے ایک پوش علاقے میں لاکھوں روپے مالیت کا نیا گھر خریدا ہے۔
دپیکا پڈوکون اور رنویر سنگھ نے 8 ستمبر کو اپنی بیٹی کا استقبال کیا، جس کے بعد اداکارہ نے ایک ہفتہ ہسپتال میں گزارا اور حال ہی میں اپنی نومولود بیٹی اور شوہر کے ساتھ گھر واپس آئیں۔
بھارتی میڈیا کے مطابق، دپیکا نے ممبئی کے سب سے مہنگے علاقوں میں سے ایک بندرا میں 17.8 کروڑ بھارتی روپے کی قیمت پر ایک اپارٹمنٹ خریدا ہے۔
رپورٹ میں کہا گیا ہے کہ اس کا نیا اپارٹمنٹ سگر ریشم کوآپریٹو سوسائٹی کی 15ویں منزل پر واقع ہے، جو اپنی شاندار سمندری منظر کے لیے مشہور ہے۔ یہ بھی ذکر کیا گیا کہ اپارٹمنٹ رنویر سنگھ کی والدہ انجو کے گھر کے بالکل قریب واقع ہے۔